[X] Close
JUST IN
  • BREAKING-NEWS புதிய பாஜக கட்சி அலுவலகத்தை டெல்லியில் பிரதமர் மோடி இன்று திறந்து வைக்க உள்ளார்
  • BREAKING-NEWS நாகை: அவுரி திடல் அருகே ஆளுநருக்கு எதிராக திமுக விடுதலைச் சிறுத்தைகள் கட்சியினர் கருப்புக்கொடி
  • BREAKING-NEWS சட்டப்பேரவை தேர்தல் நடைபெறும் திரிபுராவில் காலை 9 மணி நிலவரப்படி 11% வாக்குகள் பதிவு
  • BREAKING-NEWS திருவல்லிக்கேணி ஸ்ரீ குரு ராகவேந்திர சுவாமி கோயிலில் ரஜினிகாந்த் சாமி தரிசனம்
  • BREAKING-NEWS திரிபுரா மாநிலத்தில் உள்ள 59 சட்டபேரவை தொகுதிகளில் வாக்குப்பதிவு தொடங்கியது
  • BREAKING-NEWS கடலில் மீன்பிடிக்கச் சென்ற ராமேஸ்வரம் மீனவர்கள் இலங்கை கடற்படையால் விரட்டியடிப்பு
  • BREAKING-NEWS இன்றைய விலை: பெட்ரோல் ரூ.74.74; டீசல் ரூ.65.96

மாமல்லபுரத்தில் பைக் விபத்து: கன்னட நடிகர்கள் படுகாயம்

bike-accident-in-mamallapuram-kannada-actors-wound-up

மாமல்லபுரம் அருகே நடந்த படப்பிடிப்பில் விபத்து ஏற்பட்டது. இதில் கன்னட நடிகர்கள் படுகாயமடைந்தனர்.

சுதீப், ராகிணி திவிவேதி, ரவிசங்கர் நடித்து கன்னடத்தில் வெளியான படம், ’கெம்பே கவுடா’. இந்தப் படத்தின் இரண்டாம் பாகம் இப்போது உருவாகி வருகிறது. இதை சங்கரே கவுடா தயாரித்து இயக்கி வருகிறார். இதில் கோமல், யோகிஷ் உட்பட பலர் நடிக்கின்றனர். 
இதன் ஷூட்டிங் மாமல்லபுரத்தில் கடந்த சில நாட்களாக நடந்துவருகிறது. 

நேற்று நடந்த படப்பிடிப்பில் சண்டைக் காட்சி படமாக்கப்பட்டது. ஒரு பைக்கில் கோமலும், யோகிஷும் செல்லும்போது வில்லன்கள் தாக்குவது போல காட்சி படமாக்கப்பட்டது. இதற்காக 11 முறை ரிகர்சல் பார்க்கப்பட்டது. பின்னர் ஷாட் ரெடியானது. ஆனால், 12 வது முறை எதிர்பாராமல் ஏற்பட்ட விபத்தில் கோமலும் யோகிஷும் கீழே விழுந்து படுகாயமடைந்தனர். 

இதையடுத்து படப்பிடிப்பு நிறுத்தப்பட்டது. மாமல்லபுரத்தில் உள்ள தனியார் மருத்துவமனையில் அவர்கள் சேர்க்கப்பட்டனர். பின்னர் மேல் சிகிச்சைக்காக, சென்னையில் உள்ள தனியார் மருத்துவமனையில் அனுமதிக்கப்பட்டுள்ளனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது. 

இதுபற்றி இயக்குனர் சங்கரே கவுடா கூறும்போது, ’தகுந்த பாதுகாப்பு ஏற்பாடுகள் செய்யப்பட்டு இருந்தும் எதிர்பாராத விதமாக விபத்து ஏற்பட்டுவிட்டது. இப்போது இரண்டு பேரும் நலமாக உள்ளனர்’ என்றார்.

Advertisement:
Advertisement:
Advertisement:
[X] Close