[X] Close
JUST IN
  • BREAKING-NEWS மாநில சுயாட்சிக் கொள்கை நிலை நிறுத்தப்பட எந்த தியாகத்திற்கும் திமுக தயார் - ஸ்டாலின்
  • BREAKING-NEWS ஆளுநர் குறித்து பேச சபாநாயகர் அனுமதி வழங்காததால் திமுக, காங்கிரஸ் எம்.எல்.ஏக்கள் பேரவையிலிருந்து வெளிநடப்பு
  • BREAKING-NEWS கடந்த காலங்களில் திமுக- அதிமுக ஆளும் கட்சியாக இருந்தபோதும் ஆளுநர் ஆய்வு நடத்தியதில்லை- ஸ்டாலின்
  • BREAKING-NEWS ஆளுநரின் ஆய்வுக்கு எதிராக போராட அரசியல் கட்சிகளுக்கு உரிமை உண்டு- டிடிவி தினகரன்
  • BREAKING-NEWS சேலத்தில் ஆக.22 முதல் செப்.2 வரை ராணுவ ஆள்சேர்ப்பு முகாம் நடைபெறவுள்ளது - மாவட்ட ஆட்சியர்
  • BREAKING-NEWS அதிகாரிகளை அழைத்து ஆளுநர் விவாதிப்பது அவரது எல்லையை கடந்த செயலாகும்- வைகோ
  • BREAKING-NEWS ஸ்டெர்லைட் ஆலையில் இருந்து 2124 டன் கந்த அமிலம் அகற்றம்

டி.ஐ.ஜி.ரூபா கதையில் நயன்தாரா? இயக்குனர் ரமேஷ் தகவல்

amr-ramesh-meets-roopa

பெங்களூர் பரப்பன அக்ரஹாரா சிறை முறைகேடுகளை அம்பலப்படுத்திய டி.ஐ.ஜி. ரூபாவை மையமாக வைத்து, சினிமா படம் உருவாகிறது. இதில் நயன்தாரா அல்லது அனுஷ்காவை நடிக்க வைக்க முயற்சிகள் நடப்பதாக இயக்குனர் ஏ.எம்.ஆர்.ரமேஷ் கூறினார்.

கர்நாடகா சிறைத்துறை டி.ஐ.ஜி.யாக பணியாற்றிய ஐ.பி.எஸ்.அதிகாரி ரூபா, பெங்களூரு பரப்பன அக்ரஹாரா மத்திய சிறையை ஆய்வு செய்த போது, பல முறைகேடுகளும் விதிமீறல்களும் நடப்பதை அறிந்தார். ரூ.2 கோடி லஞ்சம் பெற்றுக்கொண்டு சசிகலாவுக்கு சிறப்பு சலுகைகள் வழங்கப்படுவதாக அவர் கூறிய குற்றச்சாட்டு தமிழக, கர்நாடக அரசியலில் பரபரப்பை ஏற்படுத்தியது. இதையடுத்து ரூபா, மாற்றப்பட்டார். முக்கிய சிறை அதிகாரிகளும் இடமாற்றம் செய்யப்பட்டனர்.

இந்த சம்பவத்தை மையமாக வைத்து இயக்குனர் ஏ.எம்.ஆர்.ரமேஷ் படம் இயக்குகிறார். இவர் ஏற்கனவே, குப்பி, காவலர் குடியிருப்பு, வனயுத்தம் , ஒரு மெல்லிய கோடு படங்களை இயக்கியவர். 

இதுபற்றி அவர் கூறும்போது, ‘சிறைத் துறையில் நடக்கும் முறைகேடுகளை மையமாக வைத்தே படம் இயக்க இருக்கிறேன். இது தொடர்பாக ரூபாவிடம் பேசினேன். படம் எடுக்க அவர் சம்மதம் தெரிவித்துள்ளார். இதற்காக மேலும் சில தகவல்களை சேகரித்துக் கொண்டிருக்கிறேன். ரூபா கேரக்டரில் அனுஷ்கா அல்லது நயன்தாராவை நடிக்க வைக்க முயற்சி மேற்கொண்டிருக்கிறேன். இன்றும் ரூபாவை சந்தித்து பேசுகிறேன்’ என்றார். 

 
 

Advertisement:
Advertisement:
Advertisement:
[X] Close