[X] Close
JUST IN
  • BREAKING-NEWS தமிழகம் மற்றும் புதுச்சேரியில் ஒருசில இடங்களில் அடுத்த 3 மணி நேரத்துக்கு மழை பெய்யும் - வானிலை ஆய்வு மையம்
  • BREAKING-NEWS காஞ்சிபுரம்: செங்கல்பட்டு, மதுராந்தகம் மற்றும் அதன் சுற்றுவட்டாரப் பகுதிகளில் கனமழை
  • BREAKING-NEWS கஜா புயலால் பாதிக்கப்பட்ட 7 மாவட்ட மக்களுக்கு நடிகர் விஜய் தனது மக்கள் இயக்கம் மூலம் நிதியுதவி
  • BREAKING-NEWS புதுச்சேரி மற்றும் காரைக்கால் சுற்றுவட்டார பகுதிகளில் கனமழை
  • BREAKING-NEWS சென்னையில் பெட்ரோல் லிட்டருக்கு ரூ.79.31 காசுகளாகவும், டீசல் லிட்டருக்கு ரூ.75.31 காசுகளாகவும் விலை நிர்ணயம்
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை
  • BREAKING-NEWS சிலைக்கடத்தல் வழக்கில் ரன்வீர்ஷா கூட்டாளி கிரன்ராவின் முன்ஜாமீன் மனு தள்ளுபடி

இதெல்லாம் ஒரு பேச்சா? டாப்ஸியை வறுக்கும் டிவிட்டர்வாசிகள்

taapsee-pannu-pokes-fun-at-director-who-launched-her-gets-trolled

பிரபல இயக்குனர் பற்றி மோசமாக கருத்து தெரிவித்ததாகக் கூறி நடிகை டாப்ஸியை டிவிட்டர்வாசிகள் கடுமையாக விமர்சித்துள்ளனர்.

தெலுங்கு இயக்குனர் ராகவேந்திர ராவ் இயக்கிய 'ஜும்மாண்டி நாதம்' என்ற படம் மூலம் ஹீரோயின் ஆனார் டாப்ஸி. தெலுங்கை அடுத்து தமிழ், இந்தி படங்களில் நடிக்கத் துவங்கினார். இப்போது இவர் இந்தியில் நடித்த ’பிங்க்’, ’நாம் ஷபானா’ படங்கள் ஹிட்டாகின. ஹீரோயினுக்கு முக்கியத்துவம் கொண்ட படங்கள் இவை. இந்நிலையில் டாப்ஸி தென்னிந்திய சினிமா பற்றி சொன்ன கருத்து சர்ச்சையை கிளப்பியுள்ளது. 

அவர் கூறும்போது, ’கிளாமர் கேரக்டர்களில் மட்டுமே என்னால் நடிக்க முடியும் என்று தென்னிந்திய சினிமாவில் நினைக்கிறார்கள். பிங்க் மற்றும் நாம் ஷபானா படங்களை பார்த்த பிறகே, ’ஓ. இந்த பொண்ணுக்கு நடிக்கத் தெரியும்’ என்று புரிந்து கொண்டனர். அங்கு தொப்புள் மீது அதிக ஆர்வம் காட்டுவது எனக்கு முன்பே தெரிந்திருந்தால் அதை அழகாக்கிவிட்டு சென்றிருப்பேன். ஆனால் தெரியாமல் போய்விட்டது. என் முதல் படத்தில், பாடல் காட்சியைதான் முதலில் படமாக்கினார்கள். என்னை அறிமுகப்படுத்தி வைத்த இயக்குனர், ஹீரோயின் இடுப்பில் பழம், பூக்களை வீசுவதற்கு பெயர் பெற்றவர். என் இடுப்பில் தேங்காயை வீசினார்கள். தேங்காயை இடுப்பில் போடுவது எப்படி கவர்ச்சியாகும்? என்று கூறியிருந்தார். 
இதற்கு டிவிட்டர்வாசிகள் கடும் எதிர்ப்பு தெரிவித்துள்ளனர். ‘சினிமாவில் அறிமுகமாகும் போது எப்படி வேண்டுமானாலும் நடித்துவிட்டு வளர்ந்த பிறகு இப்படி பேசுவது நன்றாகவா இருக்கிறது’ என்ற ஒரு ரசிகர் கேட்டுள்ளார்.
‘உங்கள் பாதையை நீங்கள் தேர்ந்தெடுத்துக் கொள்ளுங்கள். யாரும் உங்களை கட்டாயப்படுத்தவில்லை. மற்றவர்களை ஏன் குற்றம் சொல்கிறீர்கள் என்றுதான் புரியவில்லை’ என்று ஒருவர் தெரிவித்துள்ளார்.  இதே போல இன்னும் பலர் கடுமையாக டாப்ஸியை விமர்சித்துள்ளனர். 

Advertisement:
Advertisement:
Advertisement:
[X] Close