JUST IN
  • BREAKING-NEWS 26ல் ரம்ஜான் கொண்டாடப்பட உள்ள நிலையில் சென்னை விமான நிலையத்தில் பயணிகள் கூட்டம்
  • BREAKING-NEWS ராம்நாத் தாக்கல் செய்ய உள்ள வேட்பு மனுவில் ஓபிஎஸ் கையெழுத்திட்டுள்ளார்
  • BREAKING-NEWS 7 திமுக எம்எல்ஏ மீதான உரிமை மீறல் பிரச்னை விவகாரத்தில் இன்று அறிக்கை
  • BREAKING-NEWS ஜனாதிபதி தேர்தலை காங்கிரஸ் அரசியலாக மாற்றியுள்ளது: தமிழிசை
  • BREAKING-NEWS ராம்நாத்திற்கு அதிமுகவின் 2 அணிகளும் ஆதரவு தெரிவித்திருப்பது வெற்றி வாய்ப்பை அதிகரித்துள்ளது: தமிழிசை
  • BREAKING-NEWS உளுந்தூர்பேட்டை அருகே லாரி கவிழ்ந்து 1 லட்சம் முட்டைகள் உடைந்தன
  • BREAKING-NEWS மார்த்தாண்டம் மார்க்கெட் ரோட்டில் உள்ள 3 கடைகளில் தொடர் கொள்ளை
  • BREAKING-NEWS முதல் ஒரு நாள் கிரிக்கெட் போட்டியில் வெஸ்ட் இண்டீஸ் - இந்திய அணிகள் இன்று மோதல்
  • BREAKING-NEWS குடியரசுத் தலைவர் தேர்தலில் போட்டியிடும் ராம்நாத் இன்று வேட்புமனுத் தாக்கல்
  • BREAKING-NEWS அரசியலுக்கு வருவது பற்றி நலம்விரும்பிகளுடன் பேசியது உண்மைதான்- ரஜினிகாந்த்
  • BREAKING-NEWS 31 செயற்கைக்கோள்களுடன் இன்று காலை விண்ணில் பாய்கிறது பிஎஸ்எல்விசி-38 ராக்கெட்
  • BREAKING-NEWS வழக்குகளில் இருந்து தப்பிக்கவே பாஜகவுக்கு அதிமுக ஆதரவு: ஸ்டாலின்
  • BREAKING-NEWS எல்லை தாண்டி மீன்பிடித்ததாக தமிழக மீனவர்கள் 19 பேர் கைது
  • BREAKING-NEWS பாஜகவிடம் இருந்து அழைப்பு வந்ததால் டெல்லி பயணம்: ஓ.பன்னீர்செல்வம்
சினிமா 21 Apr, 2017 01:17 PM

நான் கர்நாடக மக்களுக்கு எதிரானவனா? சத்யராஜ் விளக்கம்

நான் கர்நாடக மக்களுக்கு எதிரானவன் இல்லை என்றும் பாகுபலி படத்தின் இரண்டாம் பாகத்தை வெளியிட ஒத்துழைக்க வேண்டும் என்றும் நடிகர் சத்யராஜ் கூறியுள்ளார்.

இது தொடர்பாக அவர் வெளியிட்டுள்ள வீடியோ பதிவில் கூறியிருப்பதாவது:

ஒன்பது வருடங்களுக்கு முன் காவிரி நதி பிரச்னையின் போது கர்நாடகாவில், தமிழர்கள் தாக்கப்பட்டார்கள். தமிழ்ப் படங்கள் திரையிடுவதை நிறுத்த சொல்லி ஆர்ப்பாட்டங்கள் நடைபெற்றன. அதற்கு கண்டனம் தெரிவிக்கும் வகையில் தமிழ்த் திரையுலகம் சார்பில் நடந்த கண்டன ஆர்ப்பாட்டத்தில் பலரும் ஆவேசமாகப் பேசினார்கள். அவர்களில் நானும் ஒருவன். அதற்கு எதிர்வினையாக என் கொடும்பாவிகள், உருவபொம்மைகள் கர்நாடகாவில் எரிக்கப்பட்டன. அதே வேளையில் கர்நாடகாவில் நடந்த ஆர்ப்பாட்டத்தில், கர்நாடக திரைப்பட கலைஞர்களும் ஆவேசமாகப் பேசினார்கள். அப்படி நான் பேசிய சில வார்த்தைகள் கன்னட மக்களின் மனதைப் புண்படுத்தியதாக அறிகிறேன். நான் கன்னட மக்களுக்கு எதிரானவன் அல்ல. அதற்கு உதாரணமே 35 வருடங்களாக என்னிடம் உதவியாளராக இருக்கும் சேகர் என்பவரின் தாய்மொழி, கன்னடம்.

கடந்த 9 வருடங்களில் பாகுபலி பாகம் ஒன்று உட்பட நான் நடித்த சுமார் 30 திரைப்படங்கள் கர்நாடகாவில் வெளியாகியுள்ளன. எந்த பிரச்னையும் எழவில்லை. சில கன்னடப் படங்களில் நடிக்கவும் என்னை அணுகினார்கள். நேரமின்மையால் நடிக்க இயலவில்லை. ஒன்பது வருடங்களுக்கு முன்னால் நான் பேசிய அந்த வார்த்தைக்காக கன்னட மக்களிடம் மனப்பூர்வமாக வருத்தத்தைத் தெரிவித்துக்கொள்கிறேன்.

எனக்கு ஆதரவாக குரல் கொடுக்கும் தமிழீழ உறவுகளுக்கும் தமிழக மக்களுக்கும் என் நலம் விரும்புவர்களுக்கும் என் மீது வருத்தம் கொள்ள வேண்டாம் என்று கேட்டுக்கொள்கிறேன். அவர்களுக்கு ஒரு சிறிய விளக்கம். பாகுபலி என்ற மிகப்பெரிய படத்தின் மிகச்சிறிய தொழிலாளிதான் நான். என் ஒருவனுடைய செயலின் பொருட்டு, சொற்களின் பொருட்டு, பல ஆயிரம் பேர்களின் உழைப்பும் பணமும் விரயமாவதை நான் விரும்பவில்லை. அதுமட்டுமல்லாது கர்நாடக மாநிலத்திற்கு பாகுபலி 2 படத்தை வாங்கிய விநியோகஸ்தர்களும் திரையரங்கு உரிமையாளர்களும் பாதிக்கப்படாமல் பாதுகாக்கும் கூடுதல் பொறுப்பும் எனக்கு உள்ளது என்பதை தயவு செய்து புரிந்து கொள்ள வேண்டும் என்று கேட்டுக்கொள்கிறேன். அது, இன்றைய டிவிட்டர் பதிவில் ராஜமவுலி கூறிய விளக்கத்தின் மூலமாகத் தெளிவாகத்தெரியும்.

ஆனாலும் இனி வரும் காலங்களில் தமீழீழ மக்களின் பிரச்னையாக இருந்தாலும் சரி, காவிரி நதி நீர் பிரச்னையாக இருந்தாலும் சரி, விவசாயிகளின் பிரச்னையாக இருந்தாலும் சரி, தமிழக மக்களின் நலன் சார்ந்த அனைத்து நியாயமான பிரச்னைகளுக்கும் தொடர்ந்து குரல் கொடுத்துக்கொண்டுதான் இருப்பேன் என்பதைத் தெள்ள தெளிவாகக் கூறிக்கொள்கிறேன்.

இப்படி கூறுவதால், இந்த சத்யராஜை வைத்து படமெடுத்தால் எதிர்காலத்தில் தொல்லைகள் வரும் என்று கருதும் தயாரிப்பாளர்கள் தயவு செய்து இந்த சாதராண, சின்ன நடிகனை தங்கள் படங்களில் ஒப்பந்தம் செய்ய வேண்டாம், என்னால் நஷ்டமடைய வேண்டாம் என கேட்டுக்கொள்கிறேன். ஏனென்றால் ஒரு நடிகனாக இருப்பதை விட, இறப்பதை விட, எந்த வித மூட நம்பிக்கையும் இல்லாத, ஒரு தமிழனாக இருப்பதும் இறப்பதும்தான் எனக்குப் பெருமை, மகிழ்ச்சி.

எனது மனப்பூர்வமான வருத்தத்தை ஏற்றுக்கொண்டு பாகுபலி படத்தின் இரண்டாம் பாகத்தை வெளியிட ஒத்துழைக்குமாறு கன்னட மக்களை அன்புடன் கேட்டுக்கொள்கிறேன். என்னால் ஏற்பட்ட தொல்லைகளைப் பொறுத்துக்கொண்ட இயக்குனர் ராஜமவுலி, தயாரிப்பாளர்கள் ஷோபு, பிரசாத் மற்றும் பாகுபலி படக்குழுவினருக்கு எனது மனமார்ந்த நன்றியை தெரிவித்துக்கொள்கிறேன்.

இவ்வாறு சத்யராஜ் கூறியுள்ளார்.

Advertisement:
Advertisement:
puthiyathalaimurai ads