[X] Close
JUST IN
  • BREAKING-NEWS தென்னாப்ரிக்காவுக்கு எதிரான 3வது டெஸ்ட் கிரிக்கெட் போட்டியில் சதமடித்தார் ரோகித் ஷர்மா
  • BREAKING-NEWS காங்கிரஸ் அரசு முடக்கி வைத்திருந்த தேஜாஸ் போர் விமானம் பாதுகாப்பு படையில் சேவையாற்ற தயாராக உள்ளது - பிரதமர் மோடி
  • BREAKING-NEWS நாங்குநேரியில் பணப்பட்டுவாடா செய்ததாக இதுவரை 6 வழக்குகள் பதிவு செய்யப்பட்டுள்ளன - நெல்லை ஆட்சியர்
  • BREAKING-NEWS தமிழகம், புதுச்சேரியில் 4 நாட்களுக்கு மழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்

ஸ்டூடியோக்களில்தான் அதிகமாக வாழ்ந்தேன்: கமல்ஹாசன்

kamal-hassan-said-mostly-i-lived-in-studio

’எனது வீட்டுக்குப் பிறகு நான் அதிகமாக வாழ்ந்த இடம் ஸ்டுடியோக்கள் தான்’ என்று நடிகர் கமல்ஹாசன் கூறினார்.

சென்னை பூந்தமல்லி நெடுஞ்சாலையில் வேலப்பன்சாவடியில் ஜி ஸ்டூடியோ என்ற படப்பிடிப்புத் தளம் உருவாக்கப்பட்டுள்ளது. இதை திறந்து வைத்து, நடிகர் கமல்ஹாசன் பேசும்போது, ’எனது வீட்டுக்குப் பிறகு நான் அதிகமாக வாழ்ந்த இடம், ஸ்டுடியோக்கள் தான். தென் திரையுலகின் பெருமைக்குரிய பல ஸ்டுடியோக்கள் மூடப் பட்டதை கேள்விப்பட்டு மன வேதனை அடைந்தேன். திரையுலகிற்கு இதன் உரிமையாளர் கோபாலன் செய்திருக்கும் இத்தகைய அர்ப்பணிப்பை ‘தர்மா’ என்று தான் சொல்லுவேன். ஒரு காலத்தில் எப்படி ஆற்காடு சாலை ஸ்டுடியோக்களின் அடையாளமாக திகழ்ந்ததோ, அதே போல் இந்த ஸ்டுடியோ மூலம் பூந்தமல்லி நெடுஞ்சாலையும் தமிழ் சினிமாவின் மையமாக திகழும். வர்த்தகம் என்பதை தாண்டி சினிமா மீது காதல் இருந்தால்தான் இத்தகைய பிரம்மாண்ட ஸ்டுடியோவை திரையுலகிற்கு அர்ப்பணிக்க முடியும்’ என்று சொன்னார்.

முன்னதாக இசைஞானி இளையராஜா குத்துவிளக்கு ஏற்றி, சர்வேதச திரையுலகின் கவனத்தை ஈர்க்கும் இது போன்ற ஸ்டுடியோக்களின் முக்கியத்துவம் பற்றி பேசினார். ‘ஜி - ஸ்டுடியோஸின் நிர்வாக இயக்குநர் பிரவீன் கூறும்போது, ’இந்த ஸ்டுடியோ துவங்கும் திட்டத்தை எங்களுக்கு அளித்தவர் கமல்ஹாசன்தான். பல ஹாலிவுட் ஸ்டுடியோக்களை நேரில் பார்த்து, அதற்கு இணையாக இதை உருவாக்கி இருக்கிறோம்’ என்றார்.

நடிகர் சங்க பொது செயலாளரும், தமிழ் திரைப்பட தயாரிப்பாளர் சங்கத் தலைவருமான விஷால், நடிகர் சங்க பொதுச் செயலாளர் நாசர், பெப்சி தலைவர் ஆர்.கே. செல்வமணி, பிலிம்சேம்பர் தலைவர் எல்.சுரேஷ், இயக்குனர் சங்கத் தலைவர் விக்ரமன் உட்பட பலர் கலந்துகொண்டனர்.

Advertisement:
Advertisement:
Advertisement:
[X] Close