[X] Close
JUST IN
  • BREAKING-NEWS தென்னாப்ரிக்காவுக்கு எதிரான 3வது டெஸ்ட் கிரிக்கெட் போட்டியில் சதமடித்தார் ரோகித் ஷர்மா
  • BREAKING-NEWS காங்கிரஸ் அரசு முடக்கி வைத்திருந்த தேஜாஸ் போர் விமானம் பாதுகாப்பு படையில் சேவையாற்ற தயாராக உள்ளது - பிரதமர் மோடி
  • BREAKING-NEWS நாங்குநேரியில் பணப்பட்டுவாடா செய்ததாக இதுவரை 6 வழக்குகள் பதிவு செய்யப்பட்டுள்ளன - நெல்லை ஆட்சியர்
  • BREAKING-NEWS தமிழகம், புதுச்சேரியில் 4 நாட்களுக்கு மழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்

விவசாயிகளின் பிணை இல்லா கடன் 1 லட்சத்து 60 ஆயிரமாக உயர்வு 

rbi-cuts-key-lending-rate-by-0-25-here-s-what-experts-say

விவசாயிகளுக்கு பிணை இல்லாமல் வங்கிகள் வழங்கும் கடன் வ‌ரம்பு ஒரு லட்சத்து 60 ஆயிரம் ரூபாயாக உயர்த்தப்பட்டுள்ளது.

மும்பையில் நடைபெற்ற ரிசர்வ் வங்கியின் கூட்டத்தில் விவசாயிகளுக்கு பிணை இல்லாமல் வங்கிகள் வழங்கும் கடன் வ‌ரம்பு உயர்த்தப்பட்டுள்ளது. ஒரு லட்சம் ரூபாய் வரையிலான‌ விவசாயக் கடனை பிணை இல்லாமல் வழங்கலாம் எனக் கடந்த 2010ம் ஆண்டு நிர்ணயிக்கப்பட்டிருந்த நிலையில், தற்போது அந்த வரம்பு 60 ஆயிரம் ரூபாய் உயர்த்தப்பட்டுள்ளது.

விலைவாசி‌ நிலவரம் மற்றும் முதலீட்டு பொருட்கள் விலையை கருத்தில் கொண்டு மாற்றம் செய்யப்பட்டுள்ளதாக தெரிவிக்கப்பட்டுள்ளது. இதுதவிர‌, விவசாயக் கடன் நடைமுறைகளில் ‌மாற்றம் கொண்டு வருவது‌ தொடர்பாக ஆராய, குழு அமைக்கப்‌படும் என்றும் தெரிவிக்கப்பட்டுள்ளது.‌

மேலும் வங்கிகளுக்கு ரிசர்வ் வங்கி வழங்கும் குறுகிய கால கடன்களுக்கான வட்டி (ரெப்போ) தற்போதைய 6.50 சதவீதத்திலிருந்து 6.25 சதவீதமாக குறைக்கப்பட்டுள்ளது. அதாவது 0.25 சதவீதம் வட்டி குறைக்கப்பட்டுள்ளது. ஒன்றரை வருடங்களுக்கு பிறகு ரெப்போ வட்டியை ரிசர்வ் வங்கி குறைத்துள்ளது.

மும்பையில் நடைபெற்ற நிதிக்கொள்கை ஆய்வுக் கூட்டத்தில் இந்த முடிவுகள் எடுக்கப்பட்டுள்ளன. ரிசர்வ் வங்கி‌யின் புதிய ஆளுநராக சக்திகாந்ததாஸ் பொறுப்பே‌ற்ற பிறகு நடைபெறும் முதல் கூட்டம் இதுவாகும். ரிசர்வ் வங்கியின் நடவடிக்கையால் வீடு, வாகனங்களுக்கான வட்டி விகிதங்கள் குறைய வாய்ப்பு உள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close