[X] Close
JUST IN
  • BREAKING-NEWS டெல்லியில் நாளை மாலை 5 மணிக்கு நடைபெறும் தேசிய ஜனநாயக கட்சி நாடாளுமன்ற குழு கூட்டத்தில் அனைவரும் சேர்ந்து நரேந்திர மோடியை தலைவராக தேர்வு செய்ய உள்ளனர்
  • BREAKING-NEWS தமிழகத்தில் 8 இடங்களில் வெற்றி பெற்றுள்ள காங்கிரஸ் எம்.பி.க்கள் நாளை சென்னையில் திமுக தலைவர் மு.க.ஸ்டாலினை சந்திக்கின்றனர்
  • BREAKING-NEWS நீங்கள் வெற்றிபெற்ற மாநிலங்களை விட தமிழகத்துக்கு அதிக முக்கியத்துவம் கொடுக்கவேண்டும்- மோடிக்கு கமல்ஹாசன் கோரிக்கை
  • BREAKING-NEWS சென்னையில் பெட்ரோல் லிட்டருக்கு ரூ. 74.10 காசுகளாகவும், டீசல் லிட்டருக்கு ரூ. 70.24 காசுகளாகவும் விலை நிர்ணயம்

எலுமிச்சை விளைச்சல் இல்லாததால் விவசாயிகள் கவலை

lack-of-lemon-yield-so-farmers-are-concerned-because-of-water

நெல்லை மாவட்டத்தில் எலுமிச்சை விளைச்சலுக்கு பெயர் பெற்ற கடையம் ஊராட்சி, தற்போது போதிய நீரின்றி விளைச்சல் பாதித்ததால் ஏற்றுமதியும் குறைந்து விவசாயிகளின் வாழ்வாதாரம் கேள்விக்குறியாகி நிற்கிறது.

நெல்லை மாவட்டத்தில் மேற்கு தொடர்ச்சி மலையை ஒட்டி அமைந்துள்ள அழகிய கிராமமான கடையம், எலுமிச்சை விவசாயத்திற்கு பெயர் பெற்றது. கடையம் ஊராட்சியில 23 பஞ்சாயத்தும், 84 குக்கிராமங்களும் இருக்கிறது. இந்த குக்கிராமங்கள் அனைத்திலும் எலுமிச்சை விளைவிக்கப்படுகிறது. கடந்த 2 ஆண்டுகளாக‌ மழை பெய்யாத நிலையில் குளங்களிலும், கிணறுகளிலும் தண்ணீர் இல்லாததால் மரங்கள் கருகி நின்று விவசாயிகளை வேதனையில் ஆழ்த்தியுள்ளன.

ஐந்தில் ஒருபங்கே விளைச்சல் கிடைத்துள்ள நிலையில், கடையம் மொத்த கமிஷன் கடைக்கு நாளொன்றுக்கு 500 மூடைகள் வந்த இடத்தில் தற்போது 100 மூடைகள் மட்டுமே வருவதாக கூறுகிறார்கள் விவசாயிகள். தேவை அதிகம் உள்ள கோடைக்காலத்தில் எலுமிச்சை விளைச்சல் சரிந்தது விவசாயிகளின் பொருளாதாரத்தை பின்னடைய வைத்துள்ளது. குளங்கள் மற்றும் நீர் வரத்து பாதைகளை தூர் வாரி பிரசித்திபெற்ற கடையம் எலுமிச்சை விவசாயம் அழியாமல் காக்க வேண்டும் என்றும். கருகிய மரங்களுக்கு மாற்றாக புதிதாக அரசே எலுமிச்சை கன்றுகளை மானியமாக வழங்க வேண்டும் என விவசாயிகள் கோரிக்கை விடுக்கின்றனர்.

Advertisement:
Advertisement:
Advertisement:
[X] Close