சென்ற வார இதழில்

7 பேர் 25 ஆண்டுகள் 161 விதி கம்பிக்குள் வெளிச்சம்?

-தளவாய் சுந்தரம்


முடிவற்று நீண்டுகொண்டே இருந்த பேரறிவாளன், முருகன், நளினி, சாந்தன் உள்ளிட்ட ஏழு பேர் விடுதலைக் கனவு கிட்டத்தட்ட கிளைமாக்ஸை நெருங்கியிருக்கிறது. இவர்கள் அனைவரையும் விடுதலை செய்யக்கோரி சென்றவாரம் சென்னையில் நடைபெற்ற பேரணிக்குக் கிடைத்த ஆதரவு, முதல்வர் கடிதம், முதல்வர் - பிரதமர் சந்திப்பு எல்லாம் நம்பிக்கையளிக்கிறது" என்கிறார்கள் ஏழு பேர் விடுதலைப் பேரணி நடத்தியவர்கள்.


‘ஏழு பேரை விடுவிப்பதா, இல்லையா என்பதில் முடிவெடுக்கும்  அதிகாரம் மத்திய அரசுக்கு மட்டுமே உள்ளது’ என்று உச்ச நீதிமன்றம் கூறியுள்ள நிலையில், தமிழக அரசு தன்னிச்சையாக ஏழு பேரை விடுவிக்க முடியுமா? ‘முடியும்’ என்கிறார்கள் சட்ட வல்லுநர்கள். அதற்கு அவர்கள் சுட்டிக்காட்டுவது சட்டப்பிரிவு  161 விதி!


7 பேர் முன்னாள் பிரதமர்  ராஜீவ் காந்தி தமிழ்நாட்டில் விடுதலைப்புலிகளால் நிகழ்த்தப்பட்ட மனித வெடிகுண்டு தாக்குதலில் கொல்லப்பட்ட வழக்கில், புலன் விசாரணையிலேயே, முக்கிய குற்றவாளிகளான சிவராசன், சுபா உட்பட எல்லோரும் தற்கொலை செய்துகொண்டனர். மீதியிருந்த, கொலைக்கு  உதவியதாக குற்றம் சாட்டப்பட்ட 26 பேர் மீதான வழக்கே சென்னை பூந்தமல்லி தடா நீதிமன்றத்தில் நடைபெற்றது. 1993-ஆம் ஆண்டு தொடங்கிய இந்த வழக்கில் 50 மாதங்கள், 288 சாட்சியங்கள், 3,000 அரசுத் தரப்பு ஆவணங்கள், 1,000 எதிர்தரப்பு ஆதாரங்கள் என்ற நீண்ட  பயணத்துக்குப் பின்னர் 1998-இல் தீர்ப்பு வழங்கப்பட்டது. குற்றம் சாட்டப்பட்ட 26 பேருக்கும் மரண தண்டனை விதித்து தீர்ப்பளித்தது தடா நீதிமன்றம்.


இந்தத் தீர்ப்பு தமிழகத்தில் மட்டுமல்லாமல், இந்தியா முழுக்க ஒரு புயலை உருவாக்கியது.


சட்ட வல்லுநர்கள், மனித உரிமைகள் ஆர்வலர்கள் திகைத்தனர். ஒரு கொலை வழக்கில் இத்தனை பேருக்கு மரண தண்டனை விதிக்கப்பட்டது உலக நாடுகள் எதிலும் நிகழாதது. மேலும், ராஜீவ் காந்தி கொலை பற்றி விசாரணை நடத்திய ஜெயின் மற்றும் வர்மா விசாரணைக் கமிஷன் அறிக்கைகள், ‘விசாரிக்க வேண்டும்’ என்று சுட்டிக்காட்டிய பெரும்புள்ளிகள் அனைவரும் சுதந்திரமாகச் சுற்றிக்கொண்டிருக்கும் போது...

 

 

 

மேலும்...

Add comment


பெயர் *
மின்னஞ்சல் *
கருத்து
 

 
Security code
Refresh

 
 
இந்த வார இதழில்
Your Cart
Cart empty
 x