8 ஆண்டுகளாக தேடப்பட்ட ராட்சத முதலை ஒருவழியாக சிக்கியது


ஆஸ்திரேலியாவில் கடந்த 8 ஆண்டுகளாக தேடப்பட்டுவந்த ராட்சத முதலை தற்போது சிக்கியுள்ளது.

வடக்கு மாகாணத்தின் கேத்ரீன் நதியில் காணப்படும் உப்புநீர் முதலையால் சுற்றுலா பயணிகளுக்கு அச்சுறுத்தல் ஏற்பட்டு வந்தது. இதனையடுத்து முதலையை பிடிக்க வனத்துறையினர் தீவிரம் காட்டி வந்தனர். 8 ஆண்டுகளாக மேற்கொண்ட தீவிர கண்காணிப்பின் பயனாக, சுமார் 600 கிலோ எடையுள்ள அந்த ராட்சத முதலை தற்போது பிடிபட்டுள்ளது.

ஆஸ்திரேலியாவில் முதலைகள் பாதுகாக்கப்பட்ட உயிரினமாக கடந்த 1970-ம் ஆண்டு அறிவிக்கப்பட்டதையடுத்து அவற்றின் எண்ணிக்கை அதிக அளவில் அதிகரித்தது. கடந்தாண்டு பெண் ஒருவர் கொல்லப்பட்டதையடுத்து, முதலைகளின் எண்ணிக்கையை கட்டுப்படுத்த அந்நாட்டு அரசு முடிவு செய்தது குறிப்பிடத்தக்கது.

POST COMMENTS VIEW COMMENTS