சென்னையில் முதல்முறையாக உச்சத்தை தொட்ட பெட்ரோல் விலை..!


சென்னையில் பெட்‌ரோல் விலை முதன்முறையாக ஒரு லிட்டர் 82 ரூபாயைத் தாண்டி விற்கப்படுகிறது. அதேபோல், டீசல்‌ விலையும் கணிசமாக உயர்ந்து 75 ரூபாய் 19 காசுகளாக விற்கப்படுகிறது.‌

சென்னையில் நேற்று ஒரு லிட்டர் பெட்ரோல் 81 ரூபாய் 92 காசுக்கு விற்ற நிலையில், இன்று 32 காசுகள் உயர்ந்து 82 ரூபாய் 24 காசுகளாக விலை அதிகரித்துள்ளது. அதேபோல் 74 ரூபாய் 77 காசுகளாக விற்கப்பட்ட டீசல் இன்று 42 காசுகள்‌ அதிகரித்து 75 ரூபாய் 19 காசுகளாக விலை நிர்ணயம் செய்யப்பட்டுள்ளது.

Read Also -> பெட்ரோல் விலை உயர்வு தற்காலிகமானதுதான்: மத்திய அமைச்சர் விளக்கம்  

அமெரிக்க டாலருக்கு நிகரான இந்திய ரூபாயின் மதிப்பு சரிவை சந்தித்து வருவதே பெட்ரோல், டீசல் உயர்வுக்கு காரணமாக அமைந்துள்ளது. கடந்த ஒரு மாதமாகவே பெட்ரோல், டீசல் விலை தொடர்ந்து அதிகரித்து வருவது வாகன ஓட்டிகளுக்கு கடும் சிரமத்தை ஏற்படுத்தியுள்ளது. ஒரு மாதத்தில் பெட்ரோல் லிட்டருக்கு 2 ரூபாய் 98 காசுகளும், டீசல் ஒரு லிட்டர் 3 ரூபாய் 57 காசுகளும்‌ உயர்ந்துள்ளது.

POST COMMENTS VIEW COMMENTS